فعالية الحبوب بتعتمد على نوع الحبوب اللي بتستخدميها، فإذا كنتِ بتستخدمي الحبوب اللي بتحتوي على البروجستين بس واللي ساعات بنسميها الأقراص الصغيرة، فأنتِ فعلا محتاجة تاخديها في الوقت نفسه بالضبط كل يوم، علشان بيقف تأثيرها بعد 26 ساعة تقريباً، فلو تأخرتِ 3 ساعات أو أكتر، لازم تستخدمي حبوب منع الحمل للطوارئ إذا حدث جماع لأنك غير محمية.
الواقي الذكري هو وسيلة تنظيم الأسرة الوحيدة اللي بتحمي الزوج و الزوجة من الأمراض المنقولة جنسيًا، و من العدوى الفطرية.
الواقي الذكري فيه منه أنواع و نكهات مختلفة لزيادة الشعور بالمتعة الجنسية.
حبوب منع الحمل للطوارئ تستخدم لمنع الحمل في حالات الطوارئ زي نسيان حبوب منع الحمل، رجوع الزوج فجأة من السفر و مفيش وسيلة مستخدمة، قطع الواقي الذكري، أو فشل الوسيلة المستخدمة لمنع الحمل.
حبوب منع الحمل للطوارئ بتمنع خروج البويضة من المبيض، أو تمنع تخصيبها، أو تمنع انغراس البويضة المخصبة داخل جدار الرحم.
أما لو حصل حمل فعلا فهي لا تؤثر أبدا على الحمل أو على الجنين، بل بالعكس هتثبت الحمل لأن حبوب منع الحمل للطوارئ عبارة عن جرعة عالية من هرمون البروجستيرون اللي بيثبت الحمل.
علشان كده حبوب منع الحمل للطوارئ لازم تتاخد في خلال 3 أيام من العلاقة الغير محمية، و بتتاخد عن طريق الفم كبسولتين مع بعض أو كبسولة واحدة و بعدها ب 12 ساعة الكبسولة التانية.
اللبوس المهبلي لمنع الحمل وسيلة بتوفرلك أعلى درجات السهولة و الأمان و خالية من الهرمونات، لو محتاجة وسيلة مؤقتة عند الحاجة بس، أو لو الجماع مش منتظم، أو لو ماينفعش تستخدمي وسيلة تحتوي على هرمونات.
التباعد ما بين الطفل و الآخر يفيد الأم و يفيد كل طفل، ويفيد الأسرة ككل. و من أهم فوائد تنظيم الأسرة الحفاظ على صحة الأم و أيضا صحة الأطفال من حيث تقليل نسبة وفيات الأطفال، وإصابة الأطفال بالأمراض، وتقليل نسبة التشوهات الخلقية، واكتفاء الأطفال من الرضاعة الطبيعية، وزيادة الإهتمام والحب لهم.
لازم تتابعي اللولب مع الطبيب المختص كل 6 شهور علشان تتأكدي أنه في مكانه الصحيح و تتجنبي حدوث حمل غير مخطط له لو اللولب اتحرك من مكانه دون علمك.